Wednesday, January 16, 2008

മടിയന്മാരും മടിച്ചികളും അറിയാന്‍..

ന്യൂയോര്‍ക്കില്‍ ഈയിടെയായി ലോക മടിയനെ / മടിച്ചിയെ കണ്ടെത്താന്‍ ഒരു മത്സരം നടന്നുവത്രെ...

ഒന്നാം സമ്മാനം കിട്ടിയ ലോക മടിയന്‍. തുടര്‍ച്ചയായി 29 മണിക്കൂര്‍ ടെലിവിഷന്‍ പ്രോഗ്രാം കണ്ടിട്ടാണത്രെ തന്റെ ഒന്നാം സ്ഥാനം ഉറപ്പിച്ചത്‌.. 29 മണിക്കൂറിനിടയില്‍ 8 മണിക്കൂറില്‍ ഒരിക്കല്‍ ടോയ്ലറ്റില്‍ പോകാനുള്ള അനുവാദമുണ്ടായിരുന്നു.. പിന്നെ ഇഷ്ടമുള്ളതെന്തും ഓര്‍ഡര്‍ ചെയ്ത്‌ ഫ്രീയായി ശാപ്പിടാം..

5000 ഡോളറും, വലിയ ഒരു ടെലിവിഷന്‍ സെറ്റും, അടിപൊളി ( അടിപൊളിയാത്ത) ഒരു സോഫയും പിന്നെ ഒരു പൊട്ടറ്റൊ മോഡല്‍ പിടിപ്പിച്ച ട്രോഫിയുമാണു ഇഷ്ടനു കിട്ടിയ സമ്മാനം .

ഈ വാര്‍ത്ത നമ്മുടെ ചില വീട്ടമ്മമാര്‍ കേട്ടാല്‍ 'ഇതാണോ ഇത്ര വലിയ കാര്യം ? എന്നു തിരിച്ചു ചോദിക്കാന്‍ ഇടയുണ്ട്‌..

ലോകാവസാനം വരെ നീളുന്ന സീരിയലുകളും , റിയാലിറ്റിയുമായി പുലബന്ധം പോലുമില്ലാത്ത റിയാലിറ്റി ഷോകളും 29 മണിക്കൂറല്ല 29 ദിവസം തന്നെ ഇവര്‍ ഇരുന്നു കണ്ടു കൊള്ളും.. ഇടക്ക്‌ ടോയ്ലറ്റില്‍ പോകേണ്ട ആവശ്യം പോലും വേണ്ടിവന്നാല്‍ ഒഴിവാക്കാവുന്നതേയുള്ളൂവെന്നാണു പേരു വെളിപ്പെടുത്താന്‍ ആഗ്രഹിക്കാത്ത നബീസാത്ത രഹസ്യമായി പറഞ്ഞത്‌..

സ്നേഹത്തോടെ
ഒരു മടിയന്‍

Post a Comment
Related Posts with Thumbnails